Yanditswe kuya 2017-10-14 01:18:59
Igihano cy’urupfu nticyemewe kuko kinyuranyije n’Ijambo ry’Imana
Ibitekerezo:  0 Abayisuye: 214

Umushumba wa Kiliziya Gatorika ku Isi, Papa Francis yatangaje ko igihano cy’urupfu kitemewe kuko kinyuranyije n’ijambo ry’Imana.
Yabitangaje mu butumwa yagezaga ku bitabiriye isabukuru y’imyaka 25 yo kwigisha ijambo ry’Imana tariki ya 11 Ukwakira 2017 nkuko bigaragara mu kinyamakuru Our Sunday Visitor(OSV).

Yagize ati “Igihano cy’urupfu kinyuranye n’ijambo ry’Imana. Igihano cy’urupfu uko gitanzwe kose kinyuranye n’ijambo ry’ Imana.

Akomeza avuga ko iki gihano ari igikomere gikomeye ku gaciro ntahungabanywa k’ikiremwamuntu kandi akaba ari icyemezo kibi gifatirwa muntu.

Ni ko biri, cyo ubwacyo kinyuranyije n’ijambo ry’Imana, kubera ko icyo cyemezo gifatwa mu kwica ubuzima bwa muntu, kandi ari butagatifu mu maso y’umuremyi n’aya muntu. Imana yonyine niyo mucamanza w’ukuri w’ubwo buzima kuko ari nayo ibutanga.”

Akomeza avuga ko icyo gihano kitaburizamo gusa ubuzima bwa muntu, ahubwo ko kinaburizamo uburyo umuntu yari afite ngo amenye amakosa ye ayatakerezeho, kugirango asabe imbabazi atangire ubuzima bushya.

Avuga ku bijyanye n’aho kiliziya ihagaze kuri iki gihano , yagaragaje ko hari igihe byari bigoye ko soiyete ibona ubundi buryo bwo guhana icyaha gikomeye uretse kugihanisha urupfu. Icyo gihe ariko ngo byari ukubura ubukure. Ati “ Abantu bemeye icyo gihano cy’urupfu nk’uburyo bukwiye bw’ubutabera.”

Icyo gihe ngo na kiliziya yemeraga icyo gihano kinakurikizwa mu butegetsi bwa Papa. Guhera mu 1969 ubwo Papa Pope Paul VI yavanagaho icyo gihano nubwo ngo kitatangwaga guhera mu 1870.

Ibihugu bitandukanye ku Isi birimo n’u Rwanda byagiye bivana mu mategeko yabyo igihano cy’urupfu.

Kiliziya ntiyahwemye gushishikariza ibihugu kuvana iki gihano mu mategeko yacyo. Ni muri urwo rwego umuryango w’abalayiki uharanira amahoro ku Isi, Kominote ya Sant’Egidio yashinzwe na Andrea Riccardi buri mwaka yizihiza umunsi mpuzamahanga wo kurwanya igihano cy’urupfu ku Isi.

Uwo munsi ukunze kwizihirizwa kuri coliseum de Rome, ahari sitade nini yajyaga iberamo imikino y’inyamaswa n’abantu, zikabatanyaguriza mu maso y’abashakaga kwishimisha, ndetse n’abantu bicanaga hagati yabo bifashishije inkota, cyane yakinwaga n’abacakara.

Gisele Nishimwe


style="display:inline-block;width:350px;height:300px"
data-ad-client="ca-pub-2460108950092726"
data-ad-slot="6397865272">

-->
INGUFU.com nirwo rubuga wasomagaho iyi nkuru
IBITEKEREZO
Untitled Document
Tanga igitekerezo kuri iyi nkuru