Yanditswe kuya 2017-11-20 05:07:21
Nyuma y’umukino wa 12 wa Shampiyona, bamwe mu batoza batangiye gukuraho amaso ku gikombe
Ibitekerezo:  0 Abayisuye: 5715

Kuva intangiriro za shampiyona y’igihugu cy’Ubwongereza Premier League yatangira ikipe ya Manchester City imaze gutsinda imikino 11 muri 12 imaze gukina ndetse ikaba izigamye ibitego 40 ibi byatumye amwe mu makipe yarari mu isiganwa ryo guhatanira iki gikombe batangiye gukuraho amaso hakiri kare cyane.

Bamwe mu batoza bafashe iyambere harimo n’ufite iki gikombe kiri gukinirwa Antonio Conte utoza ikipe ya Chelsea aho asanga nta kipe ifite ubushobozi bwo guhagarika ikipe ya Manchester City, Conte yagize ati : “Ubu birakomeye ko hagira utekereza ko yabasha guhagarika umuvuduko w’iyi kipe natwe ubwacu ntacyo twabikoraho.”

Arsene Wenger utoza ikipe ya Arsenal we wanatsinzwe ibitego 3-1 mu ntangiriro z’uku kwezi nawe asanga iyi kipe ibihe irimo ari nkibyo ikipe ye yigeze kugira mu mwaka wa 2004 ubwo yatwaraga igikombe cya Shampiyona idatsinzwe.

Nyuma y’umukino ikipe ya Manchester City yatsinzemo Leicester City ibitego 2-0, Pep Guardiola utoza iyi kipe akaba yatangaje ko ibanga riri inyuma y’intsinzi kuri iyi kipe ari uko bagerageza kubyaza umusaruro amahirwe yose babona mu minota 90 y’umukino.

Twabibutsa ko iyi kipe ya Manchester City itaratakaza umukino n’umwe wa shampiyona uretse umukino wa kabiri yanganyijemo 1-1 n’ikipe ya Everton.

Yanditswe na Erick M. RUZINDANA


style="display:inline-block;width:350px;height:300px"
data-ad-client="ca-pub-2460108950092726"
data-ad-slot="6397865272">

-->
INGUFU.com nirwo rubuga wasomagaho iyi nkuru
IBITEKEREZO
Untitled Document
Tanga igitekerezo kuri iyi nkuru