Yanditswe kuya 2017-12-19 07:25:57
Ramaphosa uhabwa amahirwe yo kuba umusimbura wa Zuma ni muntu ki ?
Ibitekerezo:  0 Abayisuye: 784

Hashize imyaka myinshi Cyril Ramaphosa ari mu butegetsi bw’igihugu cya Afurika y’Epfo kugeza na nubu gusa kuri ubu ari mu mwanya mwiza wo kuba afite amahirwe menshi yo kuba yatorerwa kuyobora iki gihugu asimbuye Jacob Zuma.

Cyril Ramaphosa nyuma yaho atsindiye umwanya w’umukuru w’ishyaka rya ANC ahigitse Nkosazama Dlaminni Zuma bari bahanganye birasa nkaho atereye intambwe ikomeye yerekeza mu kuyobora igihugu cya Afurika y’Epfo ku mwanya w’umukuru w’igihugu hashakwa umusimbura wa Zuma.

Ramaphosa w’imyaka 65 y’amavuko yaboneye izuba mu gace ka Soweto gaherereye mu mujyi wa Johannesburg mu mwaka w’I 1952 akaba yaraje no kwiga amategeko muri kaminuza y’Amajyaruguru mu gace ka Turfloop.

Ramaphosa yari umujyanama wa hafi wa nyakwigendera Nelson Mandela

Nyuma yo kuminuza mu mategeko yaje gutangira kujya muri politike aho yahereye ku mirimo yo kuyobora ishyirahamwe ry’abanyeshuri muri Afurika y’Epfo.

Mu mwaka w’i 1980 Ramaphosa yaje kuba umunyamabanga mu gihe cy’imyaka 9 w’ubucukuzi bw’amabuye y’agaciro mu gihugu cya Afurika y’Epfo.

Nyuma yaho mu mwaka w’i 1991 Ramaphosa yaje gutorerwa imirimo mishya yo kuba umunyamabanga mukuru w’ishyaka ANC ubwo hari guhererekanwa ubutegetsi buva mu maboko y’abazungu bushyikirizwa abirabura.

Nyuma yaho habereye amatora aciye mu mucyo muri 1994 Ramaphosa yaje kuba umwe mu bagize inteko ishingamategeko muri iki gihugu aho yagize uruhare mu kwandika itegeko nshinga rishya ry’iki gihugu.

Mu gihe cy’ubutegetsi bwa Nelson Mandela wabaye perezida wa mbere w’umwirabura w’iki gihugu Ramaphosa yari umwe mu bantu b’imena gusa biza guhindura isura ku butegetsi bwa Thabo Mbeki waje kuba perezida mu mwaka w’i 1999.
Ramaphosa yagize uruhare rutaziguye mu izamuka ry’ubukungu bw’abirabura muri iki gihugu by’umwihariko mu bisata by’ubucukuzi bw’amabuye y’agaciro ndetse no mu buhinzi aribyo bigize ubukungu bw’igihugu cya Afurika y’Epfo kuri ubu.

Gusa umubano we n’abaturage waje kuzamwo agatotsi mu mwaka wa 2012 ubwo yari umuyobozi w’uruganda rutunganya amabuye y’agaciro rwa Lonmin aho yaje gusaba ko polisi yashyira ingufu mu guhangana n’abakora ubucukuzi bw’amabuye y’agaciro batujuje ibyagombwa hakaza kuba ubwicanyi bukozwe n’abapolisi b’iki gihugu. Nubwo atahwemye gusaba imbabazi kubakomerekejwe n’aya magambo.

Mbere y’uko atorerwa kuyobora ishyaka rya ANC kuri ubu Ramaphosa akaba yari umwungiriza wa Jacob Zuma perezida w’igihugu cya Afurika y’Epfo.

Erick M. RUZINDANA/INGUFU.COM


style="display:inline-block;width:350px;height:300px"
data-ad-client="ca-pub-2460108950092726"
data-ad-slot="6397865272">

-->
INGUFU.com nirwo rubuga wasomagaho iyi nkuru
IBITEKEREZO
Untitled Document
Tanga igitekerezo kuri iyi nkuru