Yanditswe kuya 2017-12-29 01:41:31
Ibigwi n’amateka bya George Weah umunyafurika rukumbi ufite ballon d’Or watorewe kuba Perezida
Ibitekerezo:  3 Abayisuye: 3152

Mu isi ya ruhago na politike byagora kwibagirana by’umwihariko ku mugabane w’Afurika ko habayeho umukinnyi waciye agahigo ko kuba umukinnyi rukumbi mwiza ku isi ndetse wagiriwe icyizere n’abaturage be bakamutorera ku mwanya w’umukuru w’igihugu.

Mu mazina yahawe n’ababyeyi ubwo yabonaga izuba ku itariki ya 1 Ukwakira 1966, George Tawlon Manneh Oppong Ousman Weah uzwi cyane nka George Weah yabaye igihangange mu mukino wa ruhago ku isi kuva mu mwaka w’1993 maze mu mwaka w’1995 aza guhabwa igihembo nk’umukinnyi mwiza ku isi ndetse kuri ubu akaba yatorewe nka perezida w’igihugu cye cy’amavuko cya Liberia.

George Weah yagizwe umukinnyi mwiza w’umugabane w’Afurika ubugira kane mu myaka itandukanye 1989, 1994, 1995, 1996 ndetse aza kugirwa n’umukinnyi mwiza w’ikinyejana cya 20 ku mugabane w’Afurika ndetse ashyirwa ku rutonde rw’abakinnyi beza 100 isi yagize rwakozwe na Pele.

George Weah wakinaga nka rutahizamu, benshi muri ba myugariro bo mu gihe cye ntibazamwibagirwa ku bw’umuvuduko yabaga afite mu kibuga ndetse n’ubuhanga mu macenga n’amashuti ajya mu izamu.

Amateka ye muri ruhago akaba yarayatangiranye na Arsene Wenger mu ikipe ya Arsenal wamufashije ku mugira uwo ari we mu gihe iyo myaka bitari byoroshye kubera irondaruhu ryarangwaga ku mugabane w’uburayi bibasira abirabura.

George Weah ni umwe mu bakinnyi bagiye bifuzwa n’amakipe agiye atandukanye ku mugabane w’Uburayi ndetse menshi muri yo akaza no kuyakinira harimo Monaco, Paris Saint Germain yaje guhesha igikombe mu mwaka w’i 1994 zo mu Bufaransa yaje kuvamo akerekeza mu gihugu cy’Ubutaliyani mu ikipe ya Ac Milan naho aza kuhava amaze guhesha iyi kipe ibikombe bibiri aho yaje kwerekeza mu gihugu cy’Ubwongereza mu makipe ya Chelsea ndetse na Manchester City mbere yuko agaruka mu Bufaransa mu ikipe ya Marseille yaje gusorezamo ruhago.


Nyuma y’amateka n’ibigwi byinshi yagiriye mu mupira w’amaguru George Weah yaje gushinga ishyaka rya politike ‘Congress for Democratic Change’ mu gihugu cye ryari rigamije impinduka muri demokarasi muri iki gihugu cyarangwagwamo amahari n’ubushyamirane ku rwego rwo hejuru.

Mu mwaka w’i 2005 yaje kwiyamamariza umwanya w’umukuru w’igihugu gusa aza gutsindwa amatora biturutse ku cyizere gicye abaturage bamugiriye ku burambe ndetse n’amashuri macye yari afite icyo gihe.

Nyuma yayo matora George Weah yashyizemo imbaraga mu myigire ndetse ariga araminuza yegera inzobere mu bya politike harimo n’umukambwe Nelson Mandela ngo wamufashije kuguma ku ntego nyuma yo kumubaza nimba bishoboka ko yaba umunyapolitike mwiza nawe akamusubiza ko icyo akwiye gukora ari ukuguma ku ntego ye ndetse no gushikama.

George Weah mbere yuko yiyamamariza kuba perezida muri uyu mwaka byaje no kumugeza ku ntsinzi akaba yarari umwe mu bagize inteko ishingamategeko y’iki gihugu aho yatsinze amatora yarahanganiyemo n’uwari visi perezida w’iki gihugu Joseph Boakai.

Erick M. RUZINDANA/INGUFU.COM


style="display:inline-block;width:350px;height:300px"
data-ad-client="ca-pub-2460108950092726"
data-ad-slot="6397865272">

-->
INGUFU.com nirwo rubuga wasomagaho iyi nkuru
IBITEKEREZO

Ariko Imana irakomeye uyu mugabo afise C.V ndende ngwaho nakore ivyo abaturage ba liberia bamutoreye

musafiri

Birashimishije gutanjyira kuriya ugasoza kuriya

musafiri

Birashimishije gutanjyira kuriya ugasoza kuriya

Untitled Document
Tanga igitekerezo kuri iyi nkuru